Gerempong Indu udah berengkah ditumboh ka besertai enggau penumboh Ministri Iban. Tuju Gerempong Indu ianya deka sama besaup/betulong enggau bala tuai gerija, nembiak rebak baru, bala apai dalam ngemangsang ka Ministri Iban. Gerempong Indu deka ngemesai ka ahli tiap-tiap tahun awak ulih betambah, lalu narit maioh gi bala indu ulih sama-sama aktif ngereja pengawa gerija/Tuhan di Kuala Lumpur ditu. Naka ka diatu penyampau ahli indu ti bisi ngeripot diri dalam 50 lebih. Gerempong Indu deka ngaga kaul ti manah antara bala indu, lalu ulih sama besaup pangan diri leboh bisi penusah nuntong diri sebilik, lebih agi ka bala ti bisi tusah, sakit, bala ti beranak. Gerempong Indu mega bertanggungjawab dalam ngator ka pengawa Skula Minggu, lalu ngemeran ka pengawa tu enggau manah.

Maioh pengawa udah di gaga serta enggau di perambu ka dalam gerempong tu. Ministri Indu mega bisi ngaga aktiviti bukai baka Gempuru Indu, Sel Group Indu, Berlatih ka pengajar Sekula Minggu, enggau orang berseminar, serta ngaga lawatan ke gerija bukai mega.

Pengawa bukai baka besaup nyedia ka pemakai (leboh maia bisi Gempuru Iban tauka House Fellowship), serta bisi mantu begiga ka belanja baka sale/bejual ke pemakai maia Hari Minggu dikena ngiga belanja nampong gerija baru. Pengawa bukai gerempong tu mega baka ngintu serta nyedia ka gift maia ngintu Hari Indai, Hari Apai, Hari Kanak-Kanak enggau maia Dinner ka Gawai, serta Christmas Party.