Ministri Iban bisi ngaga kelas Sekula Minggu tiap-tiap Hari Minggu, berengkah jam 8.00 pagi. Bala apai indai di perangsang sama-sama mai anak sambiang lalu nganjong anak sida ke sekula Minggu. Nembiak di bagi ngagai 2 group, ianya nembiak umur 3 - 6 tahun , 7-11 tahun. Bisi 12 iko bala pengajar ti ngajar nembiak tu enggau cara bergintir-gintir. Naka ka diatu bala nembiak ti datai bisi dalam 20 lebih.

Di Sekula Minggu bala nembiak diajar pasal muji enggau nyembah Tuhan, belagu muji Tuhan, belajar ayat hafalan ari Bup Kudus, ‘colouring', ‘game' ti bersangkut paut enggau moral serta pengawa-pengawa bukai ti tau mai pemangsang ba pengarap sida ke Tuhan.

Puji Tuhan ! laban nembiak mit tu bisi hati lalu berminat amat enggau Sekula Minggu. Utai ti manah amat sida diajar tumu pasal Jako Tuhan, ka pengering pengarap sida. Nembiak tu meh nyadi ‘aset' gerija Tuhan jemah ila, sida deka nganti kitai, merita ka Berita Manah, nya alai sida enggau patut diajar tumu pasal pengerindu ka Tuhan Jesus, merangsang nembiak rebak baru bekering dalam Jesus Kristus, baka sempama “Ngelentur ka buluh, biar dari rebung'. Tuhan rindu ka anak-anak mit, bai meh anak-anak mit tumu ngelala Tuhan.