Selamat datai ka Ministri Iban, St. Mary's Cathedral KL.

Tu keterubah ia kitai bisi website, mandang ka kitai udah nyinkang ngagai pemansang. Ari website tu, pengawa Tuhan Jesus Kristus deka di tampong ngagai kitai sebansa di seluruh dunya. Kitai diatu enti di banding ari dulu kelia olih bejalai ka kerja enggau deras, muntang serta nyamai agi. Dulu kelia ketuai pengarap bejalai beminggu-minggu ngagai tempat siti-siti ngerembai ka pengerindu Jesus. Laban ti arap enggau pengeliat ati, sida tuai pengarap mujur ngulih ka julok ati. Aku arap website kitai tu olih ngubah kitai ngagai pemanah dalam pengidup lebih agi ari jalai lama kelia.

Kami nyambut kita ti baru enggau kami di Ministri Iban ari website tu enggau ati gaga. Aku arap berita manah tu tau di tusi ka olih kita nagai kitai sebansa nadai ngira dini endor kita. Pia mega kami ngarap ka kita olih betemu enggau kami sebuat di St. Mary's Cathedral tauka di Good Shepherd Subang Jaya enda lama agi.

Ari Ministri Iban tu, aku empu udah bekalala enggau maioh kaban belayan ti di temu nama tang nadai kala enggau betemu. Pia mega aku betemu baru enggau pangan lama ti udah enggau besara. Tu meh siti jalai Tuhan ngempuru ka kitai.

Menyadi dalam Kristus, aku mai kitai sebala nyadi pemela ngagai kitai sebansa nunda Tuhan Jesus ti udah nunjuk ka teladan ngagai kitai munyi ko Mark 10:45 “Anak Mensia empu, iya datai ukai minta bela, tang deka mela lalu meri nyawa diri kena nebus orang mayoh.”

Berkat Jesus enggau nuan. Mupok aku.

Chairman MI.